A activista catalá Ada Colau, portavoz do movemento Guanyem, que impulsa unha candidatura á alcaldía de Barcelona, animou a través da rede social Twitter a facer un "escrache de sujetadores" virtual contra o alcalde de Valladolid, Javier León de la Riva, polos seus comentarios machistas.
"Unha choiva de suxeitadores e zapatos de tacón é o mínimo que se merecería o alcalde ese de Valladolid no seu próximo acto público", sinala Colau no seu perfil en Twitter, no que empraza os internautas a colgar imaxes de sujetadores dirixidas ao alcalde de Valladolid.
A iniciativa de Colau, promotora da Plataforma de Afectados pola Hipoteca (PAH), foi secundada xa por centenares de persoas que tamén publicaron nas súas contas de Twitter imaxes de sujetadores xunto coa etiqueta #EscracheDeSujetadores.
