A Xunta de Galicia vén de tomar a decisión de intervir a residencia de maiores do municipio do Incio, tras o brote de coronavirus detectado que afecta a un elevado número de usuarios do centro. Tras avaliar a evolución epidemiolóxica do centro coas consellerías de Sanidade e Política Social, acordaron tomar esta decisión para garantir a calidade asistencial e a correcta protección da saúde dos residentes e traballadores do centro.
Coa intervención sanitaria da residencia, os profesionais do Servizo Galego de Saúde farán un seguimento médico constante de acódelas usuarias desta residencia e supervisarán a correcta aplicación dos protocolos aprobados pola Xunta de Galicia.
Tras coñecer o resultado positivo das probas realizadas a unha das profesionais que traballan na residencia desta localidade lucense, e de acordo ao protocolo de brotes para as residencias sociosanitarias, a Administración implementou o cribado de todas as persoas do centro -usuarios e profesionais- realizando un total de 190 probas PCR no mesmo día.
Así, e tras coñecerse os resultados das probas diagnósticas, se strong <>detectaron 8 profesionais positivos, de entre os 74 que integran o persoal de traballadores do centro; e tamén 57 usuarios con diagnosis positiva, do total 116 residentes da residencia do Incio. Así mesmo, a esta cifra hai que engadir 2 residentes máis que, a pesar de non estar na residencia na xornada do mércores durante a realización do cribado, ao estar ingresados no Hospital Universitario Lucus Augusti, tamén obtiveron resultado positivo nas probas realizadas no Hula.
Con todo, ata este momento, a totalidade dos residentes con resultado positivo son asintomáticos. Ademais, o conxunto de traballadores con resultado positivo gardan corentena no seu domicilio.
Desde esta mesma mañá, a Consellería
