O triángulo sísmico que forman Triacastela, Becerreá e Sarria, famoso pola o terremoto de máis de cinco graos na escala Richter do 22 de maio de 1997, rexistrou nas últimas horas tres tremores de baixa intensidade. De feito, a maioría dos habitantes da zona non os percibiron. O último deles tivo lugar este sábado ás 15.46 horas, segundo recolle o Instituto Xeográfico Nacional, con epicentro en Triacastela, aínda que a 11 quilómetros de profundidade. A súa magnitude foi de 2,1.
O día anterior, venres, houbo outros dous tremores. O primeiro, ás 15.49 horas, foi de 1,9 graos e tivo o seu epicentro en Becerreá. O segundo, de novo con epicentro en Triacastela, foi de 1,7 e rexistrouse ás 23.12 horas.
