Trece pilotos da comarca sarriá participan este fin de semana na cuadraxésima terceira edición do Rallye San Froilán, que discorrerá por, entre outros lugares, os concellos de Láncara e Sarria.
A Praza da Vila acolleu este mércores un acto de presentación da proba deportiva coa participación de todos os pilotos e copilotos da comarca. Ademais, asistiron, entre outros, o alcalde, Claudio Garrido; o concelleiro de deportes, Félix Seijas; e o deputado de deportes, Efrén Castro.
Durante o acto, que congregou a numerosos veciños, gardouse un minuto de silencio en recordo de Carlos Íñiguez, un dos fundadores da Escuadra Miño e organizador do Rallye San Froilán.
O concelleiro de deportes mostrou o apoio do Concello aos pilotos e a proba deportiva e asegurou que se recibe con "ilusión" que volva discorrer polo concello, o que esperan que teña continuidade en próximos anos.
A carreira será este sábado con cinco tramos a dobre pasada nos municipios de Outeiro de Rei, Friol, O Corgo, Sarria e Láncara. Está previsto que a primeira pasada no tramo Goián-Sarria sexa ás 17.30 horas, mentres que a segunda, ás 21.01. Pola súa banda, por Láncara discorrerán ás 17.58 e as 21.29 horas.
