Os bombeiros do parque comarcal foron mobilizados este venres por sendas alertas de incendio en naves das parroquias de Ferreiros e Seteventos, no concello de Sarria, aínda que afortunadamente todo quedou nun susto.
Os dous avisos saltaron sobre a mesma hora, ao redor da unha e media da tarde. Un deles correspondía a Seteventos, aínda que foi unha falsa alarma. Ao parecer, víase saír fume xunto a unha nave, polo que o alertante cría que estaba a arder a empresa e comunicouno aos equipos de urxencia.
Cando estes chegaron comprobaron que realmente se trataba dunha queima controlada e que o lume non afectaba o inmoble, que alberga unha carpintería.
A segunda alerta de incendio produciuse moi preto, en Ferreiros. Neste caso afectou a unha vivenda anexa a unha explotación de gando vacún, onde ardeu un sofá. Os danos foron escasos, aínda que a gran cantidade de fume xerou alarma. O servizo de urxencias 112 recibiu aviso dos sucesos e foron mobilizados os bombeiros do parque comarcal, a Policía Local de Sarria e a Garda Civil.
Estas incidencias súmanse á ocorrida na noite do pasado xoves, cando os efectivos tiveron que desprazarse parroquia de Castelo de Somoza, no municipio de strong <>O Incio, por unha alerta de incendio na cheminea dunha vivenda. Con todo, tratouse dun conato e non tiveron que actuar.
