O municipio de Sarria rexistra dous brotes relacionados cunha celebración nun pub da vila e un establecemento hostaleiro de fóra do centro urbano. Este último tamén deixou casos no veciño concello de Láncara. Os brotes aínda se atopan en estudo e está pendente a realización de bastantes probas.
Tanto o concello de Sarria como o de Láncara viven un importante incremento de casos nas últimas semanas. Segundo o balance do Sergas deste martes, o municipio sarrián rexistra 42 positivos fronte aos 2 que tiña o pasado día 4. Pola súa banda, o concello lancarés contaba onte con 10, mentres que o 4 non tiña.
Un dos brotes que vive Sarria está vinculado coa unha celebración que tivo lugar a principios da pasada semana nun pubna cal participarían tamén persoas procedentes doutras provincias. Esta festa incluso motivou sobre as doce menos vinte da
Entón os axentes propuxeron para sanción a media ducia de clientes por estar sen máscara e incumprir o toque de queda. Tamén se denunciou o local por estar aberto fose do horario permitido e superar o aforamento. O segundo brote está relacionado cun local hostaleiro do municipio e afecta a veciños de varios núcleos, así como de Láncara.
A semana pasada tamén se localizou en Sarria un brote vinculado cunha matanza de porcos, o cal xa foi estudado.
Doutra banda, este martes confirmouse o segundo caso dun traballador contaxiado na residencia de maiores Nosa Señora do Carme de Sarria. O pasado sábado detectouse o primeiro positivo nun empregado, tras o que se realizou un cribado no que se localizou un único caso, este segundo traballador. Ata agora o xeriátrico non rexistrara contagios de coronavirus.