O subcomité clínico que asesora á Xunta de Galicia na xestión da pandemia acordou este venres nunha reunión extraordinaria que o concello de Sarria pase ao nivel alto de restricións tras detectarse un brote con, polo menos, 28 positivos As medidas entrarán en vigor ás 00:00 horas deste sábado, 26 de xuño.
Tras avaliar a incidencia acumulada do concello lucense –situada en 142 casos a sete días, e en 202 casos a catorce– o grupo de expertos decidiu incrementar as restricións co obxectivo de reducir o índice de casos activos.
Permanecen no nivel medio os concellos de Castroverde, Camariñas, Malpica de Bergantiños, Cambre e Poio.
Os restantes concellos galegos permanecerán no nivel medio baixo.
