Sarria entra este sábado no nivel medio de restricións, logo de varias semanas no alto, en base ao novo criterio establecido polo comité clínico, que dá maior peso á presión asistencial que á incidencia do covid-19. A partir deste sábado, os hostaleiros sarriáns poderán reabrir o interior dos seus locais cun 30% de capacidade; nas terrazas será dun 50%.
Novas medidas. As medidas anticovid non só cambian en Sarria, senón que algunhas o fan a nivel autonómico. Así, as reunións entre non convivientes quedan limitadas a dez persoas no exterior dos locais de hostalería, e o resto de actividades que regula a Xunta, mentres se mantén en seis no interior. Tamén se recomendan estes mesmos límites en vivendas e outras contornas privadas.
Os locais nocturnos dos municipios en nivel medio (en Lugo só en Sarria) tamén deberán esixir á entrada unha proba diagnóstica de covid negativa realizada nas 72 horas antes ou certificado de vacinación completa. Este requisito entra en vigor o 21 de xullo.
Lecer nocturno. Aberto en municipios en nivel medio e medio baixo, con obrigación de requirir á entrada un certificado de vacinación completa, con 14 días desde a última dose, ou de pasar o covid19, ou unha proba diagnóstica con resultado negativo realizada nas 72 horas anteriores. Pechado en municipios con nivel alto.