O sorteo da Bonoloto deixou este martes na localidade lucense de Sarria un primeiro premio —con seis números acertados— de 1.977.363 euros, dado que só houbo un acertante. O boleto foi selado na administración de loterías Alecrín Dourado, situada no número 8 da Rúa Marquesa Casa López. Según pudo saber este periódico, el agraciado es un vecino de Sarria, un cliente habitual de unos treinta y pico años que juega todas las semanas y esta vez participó con una combinación de máquina.
Antes de coñecerse a súa identidad, a propietaria da administración de loterías, María José García, sospeitaba que, "ao tratarse da Bonoloto", seguramente sería "alguén do barrio". "Sabemos que é un boleto semanal, que foi selado a principios desta semana", dixo García.
A loteira precisaba pola mañá que "de momento ninguén pasou por aquí", pero confía en que "sexa alguén do barrio, alguén de aquí". De feito, segundo a súa opinión, "ao tratarse da Bonoloto, sería o máis normal".
Nada máis coñecer a boa noticia, a loteira, María José García Rodríguez, mostrábase "moi emocionada" e "ilusionada" por repartir a sorte na localidade. Para a sarriá, é unha "recompensa" dar un premio desta categoría "en días que co sorteo do Nadal traballas moito, sen descanso".
A loteira espera que a Bonoloto sexa o preludio do Gordo o próximo día 22. María José García fíxose cargo da única administración de loterías da vila en 2018 e o deste martes é o premio de maior contía que deu por agora.
