Dous bares de A Pobra de San Xiao foron vítimas na madrugada do venres dos ladróns, que levaron diñeiro.
Nun dos establecementos intentaron abrir a porta e, ao non conseguilo, romperon unha das fiestras. Xa no interior danaron a máquina comecartos e a caixa de cambio, facéndose cun botín de ao redor de 500 euros, segundo as primeiras estimacións. Tamén levaron unha caixa de viño. A propietaria decatouse do roubo na mañá deste venres, cando se dispuña a abrir.
Os ladróns tamén entraron noutro bar. Neste caso para acceder levantaron unha persiana e abriron unha fiestra. Os delincuentes colleron diñeiro, pero a contía está aínda por determinar. Ao entrar na cociña do negocio saltou a alarma, polo que saíron fuxindo.
A Garda Civil investiga estes dous asaltos, que ocorreron xusto tres semanas logo doutro roubo acontecido nun bar. Naquela ocasión fixéronse con diñeiro, bebidas e tabaco.
