Dous establecementos de hostalería do centro urbano de Sarria, situados a pouca distancia entre si, foron asaltados na noite do domingo ao luns con escasos minutos de diferenza e utilizando o mesmo modus operandi. En ambos os casos, os ladróns levaron diñeiro, tanto da caixa rexistradora como da máquina comecartos. O botín está pendente de cuantificar.
O primeiro local asaltado foi
Segundo dixo, os ladróns tamén arrincaron a caixa rexistradora para levarlla "enteira", deixando tiradas ao seu paso botellas de bebida e todo o que había ao redor. Contiña a recadación da xornada anterior.
Os ladróns actuaron nos negocios hostaleiros con minutos de diferenza e levaron a recadación da caixa e da máquina comecartos
Uns minutos despois, ás 5.20 horas, soaba xa a alarma do bar Tucán, na Rúa Calvo Sotelo, onde os ladróns quitaron o bombín para entrar e levaron tamén o diñeiro da máquina comecartos. Ademais, na caixa rexistradora (que tiña a chave posta para evitar danos maiores en caso de subtraccións) fixéronse coa suma que gardaba para o cambio e que rolda os 400 euros.
Todo apunta a que foron tres persoas as autoras destes feitos, unha das cales esperaría fóra nun vehículo e dúas máis actuarían dentro dos bares encapuchadas e con luvas.
Estes asaltos veñen unirse ao roubo perpetrado na noite do xoves ao venres na residencia de maiores de Sarria, onde o botín ascendeu finalmente a 8.400 euros, unha cantidade moi superior á que se cría en principio.
O diñeiro gardábase nunha caixa forte nun dos despachos e era propiedade de cinco dos residentes que o tiñan alí en depósito. Os ladróns entraron ao xeriátrico, que depende do Concello, por unha fiestra e rexistraron tres oficinas de forma sigilosa, polo que ninguén se decatou da súa presenza.
