Un terremoto de magnitude 2,3 foi rexistrado á primeira hora da mañá deste venres en Triacastela. Segundo indica o Instituto Xeográfico Nacional (IGN), o tremor sentiu ás 6.27 horas.
A alcaldesa de Triacastela, Olga Iglesias, comentou que o sismo non foi percibido polos veciños.
Este xoves rexistráronse tres terremotos máis en Galicia, concretamente na localidade pontevedresa de Covelo. O primeiro foi ás 00.47 horas (magnitude 2,1), o segundo ás 14.19 (2,2) e o terceiro ás 15.56 (1,8).
