O municipio de Triacastela rexistrou este xoves un terremoto de 2,3 graos na escala de Richter. O tremor ocorreu nove minutos antes da unha da madrugada, indica o Instituto Xeográfico Nacional (IGN).
O sismo produciuse a dous quilómetros de profundidade e o IGN recolle que sentiu en Trasliste, no concello de Láncara.
Pouco antes rexistrouse outro terremoto, aínda que neste caso con epicentro no municipio de Becerreá e cunha magnitude de 2 graos. O Instituto Xeográfico Nacional sinala que ocorreu ás 23.53 horas e a unha profundidade de cinco quilómetros, sen que teña constancia de que fose percibido pola poboación.