Un condutor atrapou a un can que deambulaba polo corredor que comunica Nadela e Monforte de Lemos, ao seu paso polo concello do Páramo.
A Garda Civil de Lugo recibiu sobre as 10.00 horas do venres numerosas chamadas avisando da presenza do animal á altura do quilómetro 13. Algúns dos condutores alertaron do deambular errático do can, pondo o perigo a seguridade dos usuarios da vía, informou a Comandancia.
Unha patrulla trasladouse ata o lugar e comprobou que un condutor, un bombeiro de Sarria, detivera o seu coche e conseguido atrapar ao can. Esta persoa explicou que o animal transitaba pola calzada e, ante o perigo que levaba, parou e colleuno.
Os axentes fixéronse cargo do can e realizaron xestións co Concello do Páramo, cuxo persoal recolleu ao animal.
A Garda Civil recordou a importancia de manter permanentemente a atención ao volante e de adecuar a velocidade ás circunstancias de cada momento, sobre todo ao observar animais soltos na vía.