miércoles. 26.01.2022 |
El tiempo
miércoles. 26.01.2022
El tiempo

Reparan dúas vías de Trascastro que sufriron derrubes

Las obras en una de las carreteras hundidas en Trascastro. EP
As obras nunha das estradas afundidas en Trascastro. EP

Unhas árbores provocaron afundimentos nas dúas estradas do Incio, que son reparadas pola Deputación con 40.000 euros

Dúas estradas de Trascastro (O Incio) que sufriron senllos derrubes son rehabilitadas con 40.000 euros por parte da Deputación Provincial de Lugo.

Por mor das intensas choivas unhas árbores provocaron o pasado mes afundimentos nas dúas vías e un exemplar incluso se precipitou sobre unha casa, aínda que sen causar danos persoais. Os automóbiles podían transitar polas pistas, aínda que con precaución. Con todo, para os vehículos pesados supuña un perigo, segundo sinalou a alcaldesa, Laura Celeiro. Esta visitou este martes as obras acompañada polo deputado de relacións institucionais, Álvaro Santos.

Para evitar novos desprendementos constrúense muros de dique nas dúas vías. Os traballos tamén supoñen a reposición do firme e a colocación dunha varanda en diversos tramos. As obras comezaron fai unhas tres semanas e xa finalizaron nunha das estradas. Os operarios traballan agora no segundo dos viarios, nas inmediacións da igrexa parroquial. Os labores obrigan a cortar a pista ao tráfico de vehículos.

Álvaro Santos destacou que son unhas vías de comunicación fundamentais para o municipio, pois esta última é a única estrada que une coa parroquia de Trascastro, na que residen unhas 20 familias. "A urxencia e necesidade de actuación para garantir aos veciños a circulación con seguridade nesta zona fai que hoxe esteamos aquí, ofrecendo solucións coa maior rapidez posible", manifestou o deputado provincial.

Pola súa banda, Laura Celeiro agradeceu a colaboración da Deputación co Incio, que "unha vez máis queda referendada, dando resposta ás nosas demandas e necesidades, máis se cabe en caso de emerxencia como foi en Trascastro, xa que o seu estado dificultaba o tráfico rodado nesta zona".

Reparan dúas vías de Trascastro que sufriron derrubes
comentarios