Catro veciñas resultaron premiadas na campaña do Día da Nai da Asociación de Comerciantes e Empresarios de Sarria (Aces).
Entre todos os clientes que realizaron as súas compras nos negocios do colectivo entre o 19 de abril e o día 1 foron sorteados tres vales de 50 euros cada un. As agraciadas foron Mercedes Pereiro Castro, María Teresa Pardo Torres e Pilar Veiga Rodríguez. Os comercios encargados de repartir sorte nesta ocasión foron a mercería Lucía, Electronova e Os Soños de Uxía.
Unha veciña exerceu de man inocente e sacou os billetes gañadores nun acto que contou co presidente da asociación, Ricardo Arias.
A Aces tamén recolleu as dedicatorias dos viandantes para as súas nais, que despois subiu ao Facebook e a que maior número de gústame' obtivo gañou unha cea para dúas persoas. Esta foi a nena Carla Doval.
As catro afortunadas recibirán os seus premios este xoves na sede da asociación de comerciantes.
