O grupo municipal do PP de Sarria denunciou que o Concello aínda non dispón da brigada contra incendios, o que levou a que nos últimos lumes forestais tivesen que actuar traballadores doutros concellos.
Isto foi o que ocorreu nos dous incendios acontecidos o pasado mércores, cando se encargaron de extinguilos, ademais do persoal da Xunta e os bombeiros do parque de Sarria, as brigadas de Paradela, O Incio e Triacastela. "Foron dous pequenos lumes, pero puideron ser graves e Sarria non dispoñía dunha brigada para actuar antes, xa que as outras deben desprazarse doutros concellos", queixáronse os populares.
Ademais, non se poden levar a cabo labores de prevención, dixo o PP. "Farase ou roza en setembro para ou inverno e non non verán, como tinga que ser. É un disparate", manifestaron desde o partido, que culpou desta situación ao alcalde. Acusou a este de só "preocuparse do seu soldo e non de contratar á brigada".
SALARIOS
A formación recordou que presentará no próximo pleno unha moción para instar o Concello a solicitar un informe xurídico á Consellería de Medio Rural co fin de que aclare que administración é competente para fixar os salarios do persoal da brigada.
Os populares denunciaron en xullo que o Concello estableceu un soldo por baixo do mínimo interprofesional para os peóns (825 euros ao mes) e os condutores de motobomba (870), o que ven "ilegal".