A portavoz nacional do BNG, Ana Pontón, apoiará a Efrén Castro como candidato da formación nacionalista á Alcaldía de Sarria (Lugo) nun acto aberto o vindeiro venres, 28 de setembro.
Segundo informa o BNG nun comunicado, tras o acto político celebrarase unha cea no hotel Afonso IX e todas as persoas que o desexen poden anotarse ata o mércores contactando coa formación en Sarria.
Con este acto, os nacionalistas avanzan que iniciarán a precampaña para "alcanzar a alcaldía e pór a cordura e sensatez que Sarria merece".
