A piscina climatizada de Sarria entra de novo en servizo este venres tras o parón estival e faino cunha xornada de portas abertas e horarios ampliados.
O edificio da piscina funcionará como centro deportivo e de saúde, baixo a xestión de Soom Management, que resultou adxudicataria do contrato de servizos nunha ute con 03 Servicios y Contratas.
Dende este mes e ata xuño, abrirá de luns a venres de 7.30 a 12.30 e de 17.00 a 22.00 horas. Os sábados terá un horario de 9.00 a 14.00 e de 16.30 a 21.00 mentres que os domingos será de 9.00 a 14.00. Pola súa banda, os días festivos permanecerá pechada.
Os cursos de natación tamén pasarán de 30 a 45 minutos de duración.