A Consellería de Medio Ambiente e Ordenación do Territorio comunicoulle ao alcalde do Páramo, Gumersindo A. Rodríguez Liz, que o seu municipio será o primeiro de Galicia en contar cun Plan Básico Municipal, un "documento urbanístico básico" que lle permitirá dar resposta ás necesidades elementais do concello, pero sen "establecer criterios de crecemento urbanístico".
A Dirección Xeral de Ordenación do Territorio e Urbanismo e o Instituto de Estudos do Territorio (IET) serán os encargados de redactar este documento, "que servirá de experiencia piloto e como mostra para a redacción dos restantes plans básicos municipais", explicou a Consellería.
Este documento servirá para dotar aos municipios de menos de 5.000 habitantes dunha "ordenación básica", que "estará vixente ata que xurdan razóns determinantes dunha maior complexidade urbanística", que aconsellen a redacción dun plan xeral
Durante unha reunión co alcalde, a directora xeral de Ordenación do Territorio e Urbanismo, Encarna Rivas, explicoulle que a Xunta elixiu O Páramo entre os 37 municipios galegos susceptibles de dispor dese documento urbanístico polo interese que mostrou o propio Concello por contar "con este novo instrumento de ordenación, que recolle a Lei do Solo".
A directora xeral destacou que se trata dunha boa noticia para o Concello do Páramo", dado que o goberno local viuse obrigado a rescindir no ano 2015 o contrato que asinara para a redacción do seu plan xeral.
Este documento servirá para dotar aos municipios de menos de 5.000 habitantes dunha "ordenación básica, cuxa formulación, tramitación e aprobación correspóndelle á Comunidade Autónoma", que "estará vixente ata que xurdan iniciativas ou razóns determinantes dunha maior complexidade urbanística", que aconsellen a redacción dun plan xeral.
