O concello de Sarria é terra de coleccionistas de aves, unha afección que comparten varios veciños, como Emilio Díaz, quen conta con 40 papagaios de 16 especies distintas de todo o mundo.
Guacamaios, papagaios amazónicos, caiques, aratingas, cotorras do sol ou eclectus son algúns dos exemplares que forman parte da colección deste sarrián, coa que comezou hai uns 20 anos. Este veciño naceu en Sarria, aínda que sendo un neno trasladouse a Venezuela. No país suramericano iniciou a súa paixón por estas aves exóticas.
Abandonou a afección no seu regreso a España, aínda que un tempo despois decidiu retomala ao ver "un papagaio solitario" nunha tenda. Pouco despois comproulle unha parella e a familia foi crecendo ata o que é hoxe en día, para o que intercambia especies con amigos cos que comparte esta paixón. Afirma que ten unha colección "modesta" e chegou a contar con máis especies, pero polo seu traballo, nun ximnasio da vila, reduciuna ao "non ter tempo suficiente".
Decántase polos papagaios porque son unhas aves "superintelixentes e moi afectuosas con quen os coida, excepto en época de reprodución". Emilio Díaz destaca o colorido das plumaxes destes paxaros e os de maior tamaño poden chegar a medir, di, preto dun metro, como é o caso dos guacamaios.
Os papagaios levan peor soportar a calor que as baixas temperaturas, pois gústalles restregarse na auga xeada, explica
Os papagaios poden chegar a dicir palabras, aínda que para iso é preciso traballar cos exemplares. "O fillo dunha parella que tiña, que me roubaron, regaleillo a un familiar e debe dicir preto de 1.000 palabras. Traballando conséguese", explica.
O sarrián asegura que estes paxaros son o seu único "vicio". "É un escape. Encántame o meu traballo no ximnasio, pero de cando en vez necesito escaparme un pouquiño. É a miña terapia. Mentres estou alí a miña cabeza voa", afirma.
Os animais adáptanse perfectamente ao clima de Galicia. Aínda que poida sorprender, "levan peor aguantar a calor". "O frío aguántano ben", apunta o sarrián, quen pon de exemplo que no inverno, cando se xea a auga que teñen para mollarse, os papagaios "restréganse" nela. "A inmensa maioría naceron aquí, case o 100%", sinala.
O sarrián asegura que a cativa dunha parella de aves que tiña, que regalou a un familiar, di "cerca de 1.000 palabras"
O veciño non participa coas súas aves en exposicións porque os animais "poden coller enfermidades" e "se estresan" polo transporte. "Son aves resistentes, pero á vez delicadas", aclara.
Coidar aos animais supón un importante traballo e Emilio Díaz dedícalle "unha hora á mañá e hora e media ao mediodía". Cada unha das parellas de aves dispón da súa propia gaiola, de gran tamaño. Todas elas están instaladas nunha parcela, na que as aves conviven con outros animais, tales como pavos reais, galiñas de guinea, cabras ananas ou cans. Tamén conta con cabalos galegos de monte ou unhas galiñas de Piñeira. Estes últimos exemplares proceden da comunidade porque tamén sente predilección polos animais autóctonos.
O autor ou autores foron directivamente por estas catro aves, que son "especies protexidas, está regulado o seu comercio e penado por lei a súa tenencia ilegal". Para roubar os paxaros, que están microchipados e anillados, "durmiron ou entretiveron" a dous cans, afirma.
Cre que probablemente "foi unha persoa ou persoas que estiveron antes na leira". "Coñecían o sitio, sabían por onde entrar", asegura Díaz, quen denunciou os feitos.