martes. 20.08.2019 |
El tiempo
martes. 20.08.2019
El tiempo

Paradela saca de novo a licitación a creación dun viveiro de empresas

Localización da nave na que se creará o viveiro de empresas. PORTO
Localización da nave na que se creará o viveiro de empresas. PORTO

O Concello investirá medio millón de euros na construción dunha nave para este fin no polígono industrial

O Concello de Paradela sacou de novo a licitación as obras de construción dunha nave destinada á creación dun viveiro de empresas no parque industrial do municipio.

A actuación ten un orzamento de 512.000 euros, dos cales 240.000 proceden dunha subvención da Consellería de Economía, Emprego e Industria. Para financiar os 272.000 euros restantes, o Concello de Paradela, que preside José Manuel Mato, aprobou unha modificación de crédito nun pleno celebrado no mes de maio.

A obra terá un prazo de execución de tres meses e deberá estar lista como data tope antes do 31 de outubro. A nave estará dividida en cinco departamentos, co fin de destinar outros tantos espazos de traballo para o viveiro. As firmas interesadas en presentar as súas ofertas a este concurso público teñen de prazo para facelo a través do sistema Silex da Xunta de Galicia ata o día 1 de agosto.

TRABAS ADMINISTRATIVAS. O Concello de Paradela xa iniciara e resolto este procedemento o pasado ano, pero a construción do viveiro de empresas tivo que ser parada ao detectarse un problema cos terreos da Sociedade Urbanística Provincial, propietaria do polígono, que non tiñan a documentación en regra.

Paradela saca de novo a licitación a creación dun viveiro de empresas
Comentarios