A operación Treilán, que permitiu desarticular unha banda dedicada a atracar e agredir a compradores de coches de alta gama, sáldase por agora con 15 detencións ao sumar novos arrestados en Sarria.
O último pasou na mañá deste venres a disposición do xulgado sarrián, que decretou a súa liberdade, pero con comparecencias quincenais. O pasado fin de semana foron detidas outras tres persoas, das que dúas ingresaron en prisión e a terceira quedou en liberdade. Estas únense aos once detidos inicialmente en Sarria, Monforte e Ourense, dos cales seis atópanse no cárcere. Impútanselles delitos de roubo con violencia e pertenza a grupo criminal.
Aos detidos atribúenselles roubos con violencia perpetrados en Sarria, Monforte, Coles e San Miguel de las Dueñas. O primeiro ocorreu na localidade sarriá de Treilán, onde supostamente citaron a dous compradores para facerlles entrega dun coche de segunda man que anunciaban en internet e asaltáronos.
