Unha octoxenaria resultou ferida este sábado ao ser atropelada por un turismo nun paso de peóns do bulevar da Rúa Calvo Sotelo de Sarria.
O accidente produciuse ás 19.45 horas, cando a muller cruzaba a rúa acompañada polo seu marido e foi alcanzada por un turismo. A vítima, quen permaneceu consciente, presentaba unha ferida na cabeza, polo que foi trasladada por unha ambulancia a un centro sanitario.
O vehículo que a atropelou ía conducido por un veciño de avanzada idade. Ata o lugar trasladouse a Policía Local para levantar ateigado.