Os alumnos do obradoiro de emprego do Concello do Páramo encárganse de acondicionar o antigo consistorio, situado na parroquia de San Martiño de Torre, para utilizalo para locais sociais.
Os traballadores ocupáronse de tirar tabiques na planta baixa, a cal será un espazo "diáfano" co
Pola súa banda, o piso superior dedicarase a oficinas e reunión de colectivos veciñais. Ademais, alberga o arquivo histórico do Concello.
O antigo consistorio disporá tamén dun aparcadoiro, que se habilita enfronte do inmoble. Este edificio atópase abandonado desde hai unha década, cando as dependencias municipais trasladáronse ao novo inmoble do campo da feira.
O taller de emprego paramés, que botou a andar este ano, conta con seis alumnos e prolóngase durante nove meses.
O obradoiro, bautizado como Ponche de Areas IV, é compartido cos Concellos de Guntín e O Corgo. Dispón dun total de 20 alumnos repartidos entre os tres municipios e reciben tanto formación teórica como práctica. A actividade é financiada pola Xunta de Galicia cunha axuda de 346.946 euros.
ANTERIOR TALLER. O Concello do Páramo tamén dispuxo o pasado ano dun taller de emprego, o cal foi compartido igualmente cos municipios de Guntín e O Corgo. Entón o obradoiro encargouse de arranxar a antiga vivenda de mestres da parroquia de Sa co fin de ceder o uso a unha persoa que decida pór en marcha unha Casa do Maior. Estas instalacións prestarían atención a veciños de máis de 60 anos con dependencia moderada ou severa e son financiadas pola Administración autonómica. A entidade realiza convocatorias de axudas para que particulares poidan solicitalas e pór en marcha Casas do Maior en concellos do rural que non dispoñen deste tipo de servizos.
Os traballadores do obradoiro de emprego do pasado ano tamén se ocuparon de instalar unha fonte no coñecido como campo da capela de Paredes, a cal fora construída noutro taller.
