O BNG e o PSOE de Sarria conmemoraron o aniversario da proclamación da Segunda República con sendas ofrendas florais na Rúa do Murallón.
Fixérono, como cada 14 de abril, ante a placa instalada nesta rúa en recordo dos concelleiros republicanos do municipio que foron represaliados.
A inscrición recorda a Vicente Páramo Losada, Pedro García Arcas e Rogelio Tarí Uribe, así como a cantos loitaron pola democracia e a liberdade.