Os bombeiros do parque comarcal de Sarria foron mobilizados este xoves por unha alerta de incendio na cheminea dunha vivenda da parroquia de Castelo de Somoza, no concello do Incio.
O servizo de urxencias 112 recibiu aviso do suceso pouco antes das nove menos cuarto de nbsp;a&noite. Ata o lugar desprazáronse, ademais dos bombeiros, voluntarios de Protección Civil do municipio e axentes dela Garda Civil.
Tratouse dun conato de incendio e os bombeiros non tiveron que actuar, unicamente realizar medicións para comprobar a temperatura da cheminea.
Esta mesma vivenda xa sufrira un lume no mes de febreiro do pasado ano, aínda que entón con peores consecuencias. Naquel momento o incendio afectou á cheminea e acabouse estendendo á cuberta, destruíndo unha parte da mesma. Tamén sufriron danos outras partes do inmoble ao caer parte do tellado e a causa da auga e o fume.
