Un veciño de Sarria de 42 anos de idade faleceu este sábado tras sentirse indisposto cando circulaba en bicicleta pola estrada LU-546, no tramo comprendido entre A Valiña e Oural, no municipio sarrián.
O home, que ía en ruta xunto a outros ciclistas, esborrallouse pouco antes das dez da mañá e foron os seus compañeiros quen lle practicaron as primeiras tarefas de reanimación.
Entre os usuarios da estrada a esa hora atopábase tamén un médico que axudou nestes labores, do mesmo xeito que a ambulancia desprazada ao lugar, pero os intentos foron infrutuosos.
A Garda Civil tamén acudiu ao lugar do suceso. A vítima, que traballa en Madrid, adoitaba facer rutas en bicicleta por Sarria.