A Policía Local e a Garda Civil tiveron que intervir na tarde do pasado xoves por unha persoa ebria que estaba a molestar aos clientes dun bar da localidade de Sarria.
Os feitos producíronse ao redor das sete e media da tarde. Ao parecer, o home atopábase bastante violento, polo que foron alertadas as forzas de seguridade.
Os efectivos sacárono ao exterior do establecemento hostaleiro e deron aviso ao 061 ante o estado de embriaguez no que estaba.
Nun primeiro momento o home foi trasladado ao momento de Atención Continua (PAC) de Sarria por unha ambulancia, ao que foi acompañado polas forzas de seguridade. Ante a intoxicación etílica que presentaba foi derivado a continuación ao hospital Lucus Augusti (Hula) de Lugo.