En Marea reclamou unha solución "inmediata" para a canceira da Rúa do Porvir de Sarria, a cal se atopa nunha situación "irregular". Considera que se debe pechar e asinar un convenio provisional con entidades de recollida de animais mentres non se constrúe unha infraestrutura "en condicións".
A deputada Paula Vázquez consultou o estado dos expedientes sobre estas instalacións na sede da Xunta en Lugo. Segundo explicou o partido, a canceira foi obxecto de dúas denuncias (en marzo e abril de 2017) que motivaron inspeccións por parte de Medio Ambiente. Tras iso, en xullo, impúxoselle ao Concello unha sanción de 501 euros, afirmou.
En Marea sinalou que o Concello debería regularizar a situación nun prazo de tres meses logo da multa, sen facelo. Por iso, "exponse a novas sancións, ademais de continuar as molestias que a localización xera á veciñanza, alén de que as instalacións non cumpren todos os requisitos".
