Domingo. 26.05.2019 |
El tiempo
Domingo. 26.05.2019
El tiempo

Iván López será o alcaldable de En Marea no concello de Sarria

O alcaldable (quinto pola esquerda), con representantes de En Marea. EP
O alcaldable (quinto pola esquerda), con representantes de En Marea. EP

Estará acompañado na lista por veciños que se estrean en política e buscan "acabar con 25 anos de parálise institucional"

En Marea será a décima formación que concorrerá ás eleccións municipais no concello de Sarria, cuxa lista encabezará Iván López López. A candidatura foi presentada este martes nun acto co portavoz do partido, Luís Villares; a cabeza de lista ao Congreso, Cristina Pérez; a aspirante ao Senado Victoria Esteban; a eurodiputada e candidata á reelección Lidia Senra; e outros membros da formación no municipio.

En Marea xa anunciara o pasado xaneiro que iniciaba os preparativos para tratar de presentar unha lista aos comicios locais, a cal foi confirmada este martes. A candidatura de En Marea Sarria estará composta por inscritos e simpatizantes, "xente nova en política", que non formaron parte da corporación sarriá en anteriores mandatos, sinalou o alcaldable, un empresario do sector dos seguros. Este sarrián é, ademais, o cuarto na candidatura de En Marea ao Congreso.

A formación preséntase aos comicios municipais en Sarria co convencemento de que "fan falta ideas e aire fresco na política local". Busca "levar a voz da veciñanza de Sarria ao Concello para acabar con 25 anos de parálise institucional".

O alcaldable asegurou que queren "poñer a sensatez nun posible escenario de inestabilidade", pois considera que se prevén gobernos "inestables" cun gran número de formacións políticas ante as dez candidaturas que concorren ás eleccións do 26 de maio.

En Marea marca como "urxencias" para Sarria abrir Ponte Ribeira, finalizar as obras da Rúa Diego Pazos, poñer en funcionamento a piscina climatizada, arranxar as pistas do rural e adecuar as instalacións deportivas exteriores do Chanto, indicou Iván López. Apostou, ademais, por poñer en valor o patrimonio local e crear un consello económico-social, entre outras medidas.

Iván López será o alcaldable de En Marea no concello de Sarria
Comentarios