Un incendio declarado sobre as 15.20 horas deste xoves calcinou un carro mesturador na nave dunha explotación gandeira da parroquia sarriá de Louseiro, cuxo teito resultou afectado.
O lume comezou na maquinaria agrícola, propiedade dunha cooperativa, e danou parte do tellado do cortello no que estaba a traballar e onde había vacas.
Os bombeiros do parque comarcal de Sarria acudiron de inmediato a sufocar o incendio, que non causou danos persoais nin aos animais, aínda que si danos materiais.