Un home foi identificado este xoves polos axentes da Policía Local de Sarria tras recibir o aviso dun supermercado do bulevar de Calvo Sotelo sobre posible furto nas súas instalacións.
Ao parecer, as cámaras do establecemento gravaron a esta persoa hai uns días e, ao vela de novo merodeando polo lugar, avisaron aos axentes.
O home foi interceptado nas inmediacións do cruzamento de Catro Camiños sobre as cinco da tarde. No seu poder, non foi atopado ningún efecto procedente do supermercado, pero si unha colonia que podería pertencer a unha cadea de perfumería sita tamén no bulevar. A Garda Civil, que participou no operativo, visitou esta tenda para ver se notaron en falta algún material.
A Policía Local procedeu a denunciar a esta persoa porque portaba unha navalla de pequeno tamaño, algo que non está permitido. O asunto queda agora a expensas de que o supermercado formule denuncia e continúese a investigación polo suposto furto.
