Un home resultou ferido sobre as 20.15 horas deste venres en Sarria ao chocar un tractor coa súa motocicleta. O vehículo agrícola circulaba pola Rúa Matías López e cando virou cara a Formigueiros alcanzou o motorista.
A vítima foi trasladada por unha ambulancia ao PAC de Sarria, tras o que o derivaron ao Hula. A Policía Local levantou atestado do sinistro.
O accidente causou alarma entre as persoas que se atopaban a esa hora na céntrica rúa sarriá. Os servizos sanitarios atenderon rapidamente o home ferido, sobre cuxo estado non se facilitaron máis datos. O outro implicado non sufriu feridas.