Un home duns 70 anos de idade, quen é veciño de Lugo, resultou este luns ferido ao caer nunha casa no núcleo de Outeiro, en Paradela.
A vítima foi ata a antiga vivenda dos seus pais e ao pisar unha táboa en mal estado na primeira planta precipitouse ao baixo. O accidente ocorreu sobre as 13.30 horas.
O ferido logrou chamar por teléfono a un familiar, quen avisou a un veciño. Este alertou rapidamente a unha ambulancia e o lucense foi trasladado a un centro hospitalario.