A gandería de Manuel López Quiroga de Castroncán (Samos) venceu no concurso de raza rubia galega da Feira de San Isidro de Sarria ao facerse co primeiro posto en cinco das seis categorías do certame.
Gañou nas modalidades de mellor vaca, novilla, cativa, lote e xato. Nesta última fíxose cos tres premios da categoría, así como co segundo posto en sementais. Pola súa banda, nesta modalidade venceu un exemplar da explotación de José Antonio Ferreiro Palacios da parroquia de Sabarei (O Corgo), a cal tamén recibiu os segundos premios de vaca e novilla e o terceiro de cativa. A gandería Santalla de Sabarei (O Corgo) logrou o segundo posto na categoría de cativa e os terceiros en vaca e novilla.
No concurso, no que se repartiron 1.700 euros en premios, participaron un total de 75 reses pertencentes a Acruga. O presidente desta asociación, César Dorado, destacou a relevancia de feiras como a de Sarria para dar a coñecer a raza rubia galega, que está considerada "en cárnica a mellor do mundo". Ademais, agradeceu ao Concello que leve a cabo esta exposición, "importante para a gandaría, a rubia galega e Acruga".
Na entrega dos galardóns participaron membros do goberno local, o deputado provincial Pablo Rivera e o presidente de Acruga, entre outros.
A feira contou con mercado gandeiro
San Isidro contou este domingo, como novidade, con mercado gandeiro con máis de 50 exemplares. levou a cabo co "fin de reactivalo", apuntou o edil de feiras, José Manuel López.
O programa de San Isidro incluíu unha misa na igrexa de Santa Mariña e unha procesión ata o campo da feira. A imaxe do santo foi portada nun carro da gandería Marqués de Láncara.
Sorteo
O evento pechouse co sorteo de dous novillas. O número premiado foi o 907. A persoa agraciada ten ata o día 6 para reclamar o seu premio no consistorio.
No caso de que non apareza celebrarase un novo sorteo, sinalou o edil. Este valorou a feira. Destacou a consolidación da poxa de gando frisón, pola que hai expectación, e estuda organizar "dúas ou tres ao ano". En canto á mostra de rubia galega fixo fincapé no nivel do gando.
