A localidade de Sarria recupera o
A cita é organizada pola concellaría de deportes, que encabeza Félix Seijas, coa colaboración do club Running Sarria, Fontecelta e Queserías Sarriás. Como é tradición, haberá trofeos para os tres primeiros de cada categoría.
Nesta edición haberá un premio especial para os gañadores absolutos de feminino e masculino, consistentes en produtos porcinos, un importante sector no municipio.
Ademais, todos os participantes serán obsequiados cunha botella de auga de Fontecelta e un plátano de Canarias.
A carreira será ás 18.00 horas na Rúa Calvo Sotelo. Os deportistas partirán da rotonda de saída cara a Samos ata a estación de tren.
O evento ten aberta ata o día 29 a inscrición, que é gratuíta, e pódese realizar na páxina web www.sarriacorre.com. O límite de participantes será de 400 e o control do tempo realizarase a través de chip.
As categorías divídense en masculino e feminina sénior (de 18 a 45 anos de idade), veteranos (a partir de 45), mini (nacidos en 2016 e 2017), A (de 2013 a 2015), B (de 2010 a 2012), C (de 2007 a 2009) e D (de 2005 a 2006).
A entrega dos dorsais levarase a cabo o mesmo día da carreira, a partir das catro da tarde, no pavillón dos institutos, situado na Rúa Castelao.
A proba non se celebra de forma presencial desde 2019, pois en 2020, polo covid, fíxose de xeito virtual.
