Unhas 200 persoas concentráronse este mércores ante o Ceip Frei Luis de Granada de Sarria baixo o lema Coa seguridade dos nosos fillos non xoga ninguén. A protesta chega despois dunha semana chea de polémica. A última novidade que trascendió es que el centro permanecerá apontoado aproximadamente un mes a Consellería de Educación executará obras na fachada ante a aparición de novas gretas. Así o comunicaron na tarde deste martes responsables desta administración durante unha multitudinaria reunión con pais no centro.
No encontro, recalcaron que o edificio está "perfectamente" e non existe risco. No mesmo sentido manifestouse pola mañá o delegado territorial da Xunta en Lugo, José Manuel Balseiro. Afirmou que os técnicos dunha empresa e da propia consellería aseguraron que o centro é "seguro" e que "non hai ningún tipo de perigo", polo que chamou de novo á tranquilidade.
Unha responsable da unidade técnica de Educación, xunto á inspectora de zona, explicou aos proxenitores que a problemática se debe a que os edificios "sempre se están movendo", o que pode derivarse de pequenos asentamentos do terreo ou a dilatación e contracción pola temperatura. En 2019 apareceron unhas gretas na fachada, polo que os técnicos dunha empresa controláronas e a finais de ano atopáronse con que "fiestras non abren e pechan ben".
Defendeu que colocaron os puntais como "medida preventiva" e que permanecerán ao redor dun mes. No entanto, un técnico da empresa que redacta un estudo asistiu despois á reunión a petición dos pais e non aclarou o tempo que deberán estar. Si sinalou que serán retirados aqueles puntais e táboas con cravos que sexan un perigo para os nenos.
Tamén haberá que realizar obras no exterior do inmoble, indicou a responsable da unidade técnica. Porán unhas ménsulas para reforzar os voladizos e que non grete a fachada.
PAIS. Os proxenitores cuestionaron que leven a cabo os traballos cos nenos nas aulas, e os técnicos dixeron que non será necesario pechar o centro.
As familias mostráronse moi críticas coa xestión da situación e queixáronse de que esta reunión informativa non se celebrase xa o
