Antonio Galego –fillo do veciño máis lonxevo do concello do Incio, José Galego, de 103 anos, que recibiu este luns sepultura– mostrou o seu "eterno agradecemento" á residencia de maiores da localidade, onde o centenario vivía desde 2003.
O veciño destaca o gran agarimo e atención que tiveron durante este tempo todos os traballadores do centro co seu pai. Tamén mostra o seu agradecemento a Ángel Camino Copa.
