Os xubilados de Sarria reencontráronse este sábado na Festa
Xa son 17 as edicións que celebrou o Concello desta festa, na que o Concello sortea entre os asistentes agasallos doados por negocios do municipio. Nesta ocasión foron cedidos 60 obsequios, como vales, electrodomésticos ou lotes de produtos do Nadal. O sorteo será mañá e o Concello porase en contacto cos agraciados.
A festa arrincou no salón de actos do instituto Xograr Afonso Gómez cunha misa cantada coa Coral Polifónica do Concello, o coro Sarricanta e catro membros da Banda de Música. Os actos seguiron no pavillón dos institutos cunha actuación da asociación Peleriños e a comida.
Na sobremesa a corporación entregou aos matrimonios que celebraron as súas vodas de ouro unha réplica da escultura de Paco Poy do Dique e que representa a unha parella bailando. Foron Arturo Poyatos e Concepción Pereiro, José Vázquez e María del Carmen Rodríguez, Mariño Provezza e Sara Núñez, José López e María do Pilar López, Antonio López e Pilar Díaz, Xullo López e María Luisa García, Francisco Javier Prado e Luisa García, Manuel Jesús González e María Amparo Galego, José Antonio García e María López, e Faustino Arias e Alicia Pérez.
Tamén agasallou aos veciños Avelino Rivera e María Carmen Belo, Ángel Domínguez e Gemma Quintela, Manuel López e Marta Vázquez, José Manuel López e María Jesús González, José Eduardo Vázquez e Inés Fernández, Carlos Fernández e María Pilar López, Antonio López e Edita Fernández, Manuel Guitián e María Mercedes López, Modesto Vázquez e María Gema Díaz, Nilo López e Alicia Fernández, José Belo e María Luz Rodríguez, Benvido Román Díaz de Freijo e María Carmen Resco, José Luís López e María Rosario López, Ismael López e María Teresa Gómez, e José Quiñoá e Manolita González.
A entrega dun obsequio ao centro Breogáns, doado por electrodomésticos A Casa, e a música do dúo Axóuxeres pecharon esta celebración que é "unha oportunidade para xuntarse cos veciños", tal e como destacou a concelleira de Festas, Geni Valcárcel.