A estrada que une Pedrafita do Cebreiro e Palas de Rei (LU-633) volveu ser escenario da caída dun peregrino que percorría o Camiño en bicicleta. O accidente ocorreu en Triacastela e o home resultou ferido leve.
O servizo de urxencias 112 recibiu sobre as 15.30 horas aviso do sinistro, que se produciu na saída da localidade de Triacastela en dirección Samos.
Este é o cuarto ciclista que protagoniza un accidente na LU-633 en pouco máis dun mes. O máis grave tivo lugar o 2 de maio, cando un peregrino foi evacuado en helicóptero tras caer na entrada da localidade de Samos.