Unha muller sufriu lesións de diversa importancia, que requiriron a súa condución a un centro hospitalario, por un accidente cun quad rexistrado ás tres da tarde deste domingo nunha leira privada de Sarria.
O accidente produciuse na Rúa Fernando de Castro, informou a central que atende a coordinación das urxencias que se rexistran en Galicia.
Ata alí desprazáronse os profesionais de Urxencias Sanitarias de Galicia-061 e os axentes da Policía Local de Sarria.
