Un bus escolar e un turismo chocaron este venres na Avenida de Becerreá de Sarria, nun sinistro do que os 15 ocupantes do autobús saíron ilesos. A condutora do turismo foi trasladada para recibir asistencia por feridas que non parecen revestir gravidade.
O accidente produciuse sobre as 14.45 horas nesa rúa do centro urbano, onde o coche impactou cun autocar que trasladaba nenos do colexio Frei Luís de Granada, que seguiron a súa marcha noutro bus.
Tras o choque inicial o turismo chocou con outro vehículo que estaba estacionado na zona e que, á súa vez, golpeou un terceiro. A Policía Local levantou atestado do sinistro.