Sanidade confirmou na tarde deste domingo a morte dunha muller de 93 anos que estaba ingresada en Hula con coronavirus. Trátase da sexta usuaria da residencia do Incio, que rexistra un brote con máis de 100 afectados.
Ademais, este domingo deuse outro deceso por Covid en Galicia. Trátase dun home de 74 anos con patoloxías previas que estaba ingresado no Complexo Hospitalario Universitario da Coruña (Chuac).
SÁBADO. Este sábado falecía con Covid-19 no hospital comarcal de Monforte o quinto residente do centro do Incio, unha muller de 83 anos que padecía patoloxías previas.
Sanidade continúa preparando o cribado que fará entre os veciños deste concello e que terá lugar previsiblemente ao longo da próxima semana.
