Un menor faleceu este martes ao precipitarse á vía pública desde o quinto piso dun edificio situado no tramo final da rúa Matías López de Sarria, no cruzamento coas Insuas.
O neno cursaba 2º de Eso no instituto Xograr Afonso Gómez de Sarria, que expresou a súa dor polo falecemento e o seu apoio a familia e amigos.
O tráfico na rúa Matías López quedou restablecido sobre as 17.45 horas, tras o levantamento do cadáver, que foi trasladado para a práctica da autopsia.
Un helicóptero desprazouse ata a vila e aterrou nas inmediacións do lugar, pero nada se puido facer por salvar á vítima, duns 13 anos.
Ata o lugar tamén acudiron axentes de Garda Civil, Policía Local e persoal sanitario. Tamén se concentraron numerosos veciños, conmocionados polo suceso.
