O presidente da Deputación de Lugo, José Tomé, e o alcalde de Sarria, Claudio Garrido, asinaron este martes un convenio de colaboración través do que a institución provincial achega 150.000 euros para solucionar a problemática de Ponte Ribeira.
Tomé materializou deste xeito o compromiso adquirido cos veciños deste municipio no mes de xuño, cando se trasladou a Sarria para asinar o protocolo desta actuación. O acordo inclúe a construción dunha pasarela metálica provisional, un estudo hidrolóxico de capacidade de desaugadoiro e o acondicionamento da contorna de Ponte Ribeira.
"Esta acción mellorará a mobilidade dos veciños, á vez que terá un efecto positivo na actividade económica e para os peregrinos que visitan este municipio", indica a Deputación.
