A Garda Civil de Lugo detivo a dous homes de Sarria tras simular, supostamente, un atraco nun caixeiro automático dunha entidade bancaria da localidade.
Segundo o relato policial, os feitos tiveron lugar o pasado mes de outubro, cando un dos detidos denunciou que, ao dirixirse ao caixeiro para retirar diñeiro en efectivo, foi abordado por outro home que lle pediu, colocándolle un coitelo de cociña no peito, que retirase todo o diñeiro dispoñible na conta, 940 euros en total.
A investigación iniciada por mor destes feitos determinou que tanto o denunciante como o presunto autor teñen relación, polo que acusóuselles de simulación de delito. Os detidos xa foron postos a disposición do Xulgado de Instrución nº1 de Sarria.
A Garda Civil ha explicado que se observaron "numerosas contradicións entre os feitos relatados e a realidade do sucedido". Tal e como informaron, o motivo da denuncia falsa sería a obtención dunha indemnización económica por parte do seguro do cartón utilizado no caixeiro automático.
DOUS MENORES INVESTIGADOS
Doutra banda, a Garda Civil ha remitido dilixencias á Fiscalía de Menores sobre dous mozos investigados como presuntos autores dun delito de danos no interior dunha vivenda da que previamente forzaran a entrada a través dunha porta traseira.
Na denuncia presentada o 13 de decembro relátase como os propietarios do inmoble escoitaron ruídos similares a golpes e portadas momentos antes de sorprender aos menores abandonando a vivenda, á que levaban días accedendo. Durante a inspección posterior, a Garda Civil atopou outras portas forzadas, así como varios armarios que se manipularon en busca de obxectos de valor.
Segundo apuntou o corpo policial nun comunicado, os menores investigados foron vinculados anteriormente a outros danos na contorna da piscina municipal e o centro de saúde de Vilanova de Lourenzá.
