A Garda Civil ha detido a un veciño de Sarria de 23 anos de idade como presunto autor dos roubos que sufriron tres negocios da vila na madrugada do pasado día 20 de xaneiro.
Durante esa noite, o mozo presuntamente entrou nun establecemento comercial, outro de alimentación e un terceiro do sector da hostalería, facéndose cun botín consistente en diñeiro en efectivo e varios bens.
A esta persoa impútaselle un presunto delito continuado de roubo con forza nas cousas, polo cal xa foi posta a disposición da autoridade xudicial.
Un das subtraccións cometidas durante esa madrugada afectou a un comercio do sector das persianas situado na rúa Benigno Quiroga de Sarria, onde o autor rompeu o panel da porta principal para acceder.
Unha vez dentro, e tras revolver todos os caixóns da oficina, apoderouse duns 450 euros, procedentes na súa maioría do pago que fixera pouco antes un cliente. Tamén levou un desaparafusador de batería que se atopaba na entrada do almacén, valorado polos donos en 300 euros.
Segundo diversas informacións, esa noite foron perpetrados outros dous roubos nunha tenda de alimentación da Rúa Peregrino, onde se apropiaron de produtos conxelados, e nun bar de Calvo Sotelo, no que faltou unha pantalla de televisión. Ambos os sucesos atribúense ao mesmo autor.
