A Garda Civil investiga por un delito de furto a strong <>tres veciños de Lugo de 32, 25 e 22 anos de idade como sospeitosos do roubo de 6.000 quilos de varillas metálicas das que se utilizan para realizar o encofrado dos alicerces dos aeroxeradores nas obras dun parque eólico en Samos.
Segundo informou a propia Garda Civil, a investigación comezou tras a denuncia polo roubo das citadas varillas nun parque eólico en construción no municipio lucense de Samos, un material que foi valorado pola empresa propietaria nuns 6.000 euros.
As pescudas realizadas polos axentes do posto da Garda Civil de Samos permitiron interceptar na estrada LU-633, á altura de San Martiño do Real (Samos) a unha furgoneta na que viaxaban os tres sospeitosos.
No seu interior, os gardas atoparon uns 2.000 quilogramos de varillas de encofrado, supostamente roubadas no parque eólico, pois os 4.000 quilos restantes non foron localizados.
As tres persoas investigadas quedaron a disposición do Xulgado de Instrución de Sarria.
