O descenso urbano de Sarria, que terá lugar a próxima fin de semana, provocará diferentes cortes no tráfico, tanto o sábado como o domingo, para garantir a seguridade do público e os participantes.
As principais rúas afectadas serán a Rúa Benigno Quiroga, Matías López e Diego Pazos. Na parte antiga da vila, tamén haberá cortes na Rúa do Castelo e a Rúa Maior. No caso das Pedreiras, tan só se poderá circular en dirección subida.
Desde a Policía Local recordan a obriga de respectar o código de circulación e recomendan extremar as precaucións á hora de cruzar a estrada ou ao chegar a algún cruzamento, especialmente en zonas de remontes.
